En Acto de Servizo: Combatentes Galegos Falecidos no Exército de Euzkadi

Etiquetas

Bakunin, Celta, Disciplinario, Euskadi, Galiza

Probablemente houbo máis galegos falecidos na fronte de Euskadi combatendo nas ringleiras do Exército Vasco dos que aquí aparecen. A listaxe que apresentamos foi o resultado de entrecoller dun conxunto de 1035 combatentes galegos identificados aqueles que foron engulidos pola voráxine da guerra. Certamente son moitos máis os nosos paisanos que dun xeito ou outro tomaron as armas para defender á legalidade republicana en Euskadi cando os militares e a dereita política decidiu rachar coa República dun xeito violento. E posiblemente resultaron falecidos moitos máis dos aquí expresados.

Destes 1035 combatentes galegos estudados foron 129 os que perderon a vida en acción de guerra nas distintas frontes vascas. Perderon a vida lonxe da terra que os viu nacer e no maxín de moitos deles revolvíase a idea de chegar ata a Galiza para liberala da bota fascista. Algúns deles voluntarios de primeira hora, outros chamados a quintas ou mesmo prisioneiros de guerra que loitaron encadrados nesa rara avis que foi o batallón Disciplinario de Euzkadi. Batallón dirixido polo comandante Amós Ruiz Girón, garda municipal de Eibar (Gipuzkoa), e que tivo na compañía do capitán Eliseo Pancorbo concentrados a meirande parte dos galegos do batallón.

Non debemos tampouco esquecer ao batallón Nº 30 CNT Nº 6 Celta. Unidade de inconfundible acento galego que tentou aglutinar aos galegos antifascistas residentes en Euskadi e que varudo se bateu contra os golpistas ata as mesmas portas de Bilbo. Ou ao batallón Nº 21 CNT Nº 1 Bakunin, o dos mariñeiros de Trintxerpe, que deixaron a súa pegada na fronte de Álava durante a súa estadía de meses na vila de Amurrio (Araba). Mais combatentes galaicos tamén os houbo en batallóns socialistas e comunistas

Revista Horizontes nº 8 25-05-37 (Celta)

Velaí unha parte dos combatentes galegos que morreron en chan vasco combatendo pola República:

• Aguete Lino, Antonio. Natural de O Seixo, Marín (Pontevedra). Segundo parece falece ao coñecer o pasamento do seu irmán. Non sabemos a data nin o lugar.
• Aguete Lino, Manuel. Natural de O Seixo, Marín (Pontevedra). Tenente da 2º Compañía do batallón Nº 30 CNT Nº 6 Celta. Falece o 26/12/1936 no monte Kalamua (Markina, Bizkaia).
• Alonso González, Luis. Natural de Lugo. Falece no Hospital Civil de Bilbo o 22/04/1937 resultado dun bombardeo de aviación.
• Álvarez Domínguez, Antonio. Natural de Pontevedra. Tripulante do bou Nabarra da Marina Auxiliar de Euzkadi. Resulta morto no combate do cabo Matxitxako o 05/03/1937.
• Barros Fervenza, Manuel. Natural de Redondela (Pontevedra). Rexistrada a súa morte en Pasaia (Gipuzkoa) tralo bombardeo da aviación inimiga o 27 ou 28/08/1936.
• Basante Rodet, Manuel. Natural de San Cibrao, Cervo (Lugo). Patrón do dragaminas Mari Toya. Morte rexistrada o 18/01/1937 tras bater o barco contra unha mina.
• Basterrechea Velez, Mariano. Natural de Ferrol (A Coruña). Miliciano do batallón Nº 1 Meabe nº 1 Largo Caballero das Xuventudes Socialistas Unificadas. Falecido en Nafarrate (Araba) o 18/12/1936 no transcurso da batalla de Villarreal.
• Batalla Pardal, Antonio. Natural da Galiza. Serve na 1ª sección do batallón Nº 64 Disciplinario de Euzkadi. Finado na batalla de Sabigain o 14/04/1937.
• Belón Fontán, José. Natural de Triacastela (Lugo). Miliciano no batallón Nº 31 Zabalbide de Unión Republicana. Morte ocorrida na fronte de Elgeta (Gipuzkoa) en decembro de 1936.
• Blades Chans, Tomás. Natural de Corme (A Coruña). Tripulante do dragaminas Mari Toya. Morte rexistrada o 18/01/1937 tras bater o barco contra unha mina.
• Blanco Arteaga, Gaspar. Natural de Piñeiro, Marín (Pontevedra). Miliciano da 2ª Compañía do batallón Nº 30 CNT Nº 6 Celta. Falece en combate na primavera de 1937 sen poder precisar a data exacta nin o lugar do pasamento.
• Blanco Estévez, Antonio. Natural de Marín (Pontevedra). Falecido o 28/06/1937.
• Blanco San Luis, Manuel. Natural de Noia (A Coruña). Sarxento da 3ª Compañía do batallón Nº 30 CNT Nº 6 Celta. Morte en combate o 02/04/37 en Krutzeta (Aramaio, Araba).
• Blanco Soto, Santiago. Natural de Marín (Pontevedra). Miliciano da 2ª Compañía do batallón Nº 30 CNT Nº 6 Celta. Falece na fronte de Zugastieta (Muxika, Bizkaia) o 05/05/1937.
• Blanco Varela, Manuel. Natural de Padrón (A Coruña). Miliciano do batallón Nº 51 CNT Nº 5 Durruti. Atopa a morte no monte Oketa (Araba) o 02/04/1937.
• Blanco Yáñez, Juan. Natural de A Veiga (Ourense). Miliciano do batallón Nº 48 UXT Nº 8 Jean Jaures. Falecido na fronte eibarresa o 25/04/1937.
• Blazquez, Antonio. Natural da Galiza. Miliciano do batallón Nº 30 CNT Nº 6 Celta. Morte acontecida en Krutzeta (Aramaio, Araba) o 02/04/37.
• Braña, Clemente. Natural da Galiza. Falece nos combates desenrolados en Donostia (Gipuzkoa) no verán de 1936.
• Brión Martínez, Carmelo. Natural de Corrubedo (A Coruña). Miliciano do batallón Nº 2 Meabe Nº 2 Stalin (XSU). Morte rexistrada en Durango o 30/04/1937.
• Broullón Blanco, Evaristo. Natural de Marín (Pontevedra). Miliciano da 4ª Compañía do batallón Nº 30 CNT Nº 6 Celta. Morte na fronte, carecemos de datos sobre as circunstancias,a data e o lugar.
• Canto Barreiro, Eliseo. Natural de A Coruña. Falece en acción de guerra en Durango o 26/12/1936.
• Carballo Guimeráns, Gerardo. Natural de Marín (Pontevedra). Falece en combate en Zestoa (Gipuzkoa) en setembro do 36.
• Carcedo Lasfuentes, Luis. Natural de Pontevedra. Falecido en acción de guerra en Morga (Bizkaia) o 15/05/1937.
• Cardelle Díaz, Lorenzo. Natural da Galiza. Miliciano do batallón Nº 51 CNT Nº 5 Durruti. Falecido o 14/05/37 ao ser alcanzado por metralla.
• Casteleiro Fornos, Francisco. Natural de Mugardos (A Coruña). Miliciano do batallón Nº 30 CNT Nº 6 Celta. Falece en Krutzeta (Aramaio, Araba) o 02/04/1937.
• Castro Jacob, José. Natural de Lugo. Serve no batallón Nº 64 Disciplinario de Euzkadi. Morto no porto de montaña de Barazar (Zeanuri, Bizkaia) o 06/04/1937.
• Castro Santos, Anastasio. Natural de Santa Eufemia (Ourense). Miliciano do batallón Nº 35 UXT Nº 5 Madrid. Falece no Hospital de Basurto (Bilbo) o 02/06/1937. Quizais foi ferido nos combates nos que participou o batallón entre os días 22 e 24 de maio preto de Mungia (Bizkaia).
• Ces Pérez, José. Natural de Porto do Son (A Coruña). Miliciano do batallón Nº 30 CNT Nº 6 Celta. Morto no Hospital de Basurto (Bilbo) o 13/06/1937.
• Cividanes González, José. Natural de A Guarda (Pontevedra). Miliciano do batallón Nº 11 CNT Nº 3 Isaac Puente. Falece na batalla de Villarreal o 02/12/1936 durante os enfrontamentos nas posicións do piñeiral de Txabolapea.
• Córdoba Fernández, Manuel. Natural de Ourense. Miliciano do batallón Nº 1 Meabe Nº 1 Largo Caballero (XSU). Morto en combate o 18/12/1936 en Ubidea (Bizkaia).
• Costa Alvarello, Manuel. Natural de Corme (A Coruña). Tripulante do bou Goizeko Izarra da Marina Auxiliar de Euzkadi. Falece tras bater a nave cunha mina o 17/01/1937.
• Cruz López, Víctor. Natural de Bouzas, Vigo (Pontevedra). Mecánico do bou Goizeko Izarra da Marina Auxiliar de Euzkadi. Falece tras bater a nave cunha mina o 17/01/1937.
• Davila Castro, Antonio. Natural de Marín (Pontevedra). Miliciano no batallón CNT Nº 7 Internacional. Faleceu no monte San Roque na fronte de Santander o 27 de agosto de 1937.
• Del Río Paradas, Antonio. Natural de A Pobra do Caramiñal (A Coruña). Miliciano do batallón Nº 51 CNT Nº 5 Durruti. Falece en acción de guerra o 22/05/1937 en Dima (Bizkaia).
• Díaz Lobato, Antonio. Natural de San Xoan de Dorrón-Sanxenxo (Pontevedra). Miliciano do batallón Nº 30 CNT Nº 6 Celta. Falece o 22/04/1937 en Udala (Gipuzkoa).
• Díaz Pérez, Manuel. Natural de San Xoan do Campo (Lugo). Miliciano do batallón Nº 10 Perezagua (PC). Falece en acción de guerra o 1/12/1936 en Ubidea (Bizkaia).
• Domínguez Villar, José. Natural de Redondela (Pontevedra). Miliciano do batallón Nº 3 MAOC Nº 1 Larrañaga (PC). Morto en combate en Otxandio o 04/04/37.
• Enríquez Pérez, Antonio. Natural de A Coruña. Morto en Donostia o 27/07/1936.
• Facal Chans, Jesús. Natural de Corme (A Coruña). Miliciano da 1ª Compañía do batallón Nº 26 Karl Liebknecht (PC). Ferido de gravidade na fronte de Orduña (Bizkaia). Falece no Hospital de Areta (Laudio, Araba) o 28/05/1937.
• Fariña Amigo, Ramón. Natural de Corme (A Coruña). Miliciano da 1ª compañía do batallón Nº 30 CNT Nº 6 Celta. Logo de destruir dous tanques foi aplastado por un terceiro o día 18/06/1937 mentres combatía en Artxanda nos montes próximos a Bilbo.
• Farto Crespo, José. Natural de Marín (Pontevedra). Miliciano do batallón Nº 5 Meabe Nº 4 UHP (XSU). Falece durante a batalla de Villarreal con data 12/12/1936.
• Fernández García, Francisco. Natural de Mugardos (A Coruña). Tripulante do bou Nabarra da Marina Auxiliar de Euzkadi. Falece durante o desigual enfrontamento entre o bou Nabarra e o cruceiro Canarias fronte ao cabo de Matxitxako o 05/03/1937.
• Fernández Martínez, Antonio. Natural de Palmeira (A Coruña). Miliciano do batallón Nº 3 MAOC Nº 1 Larrañaga (PC). Segundo testemuño de Josetxo fariña, falece en Asturias. O batallón acudiu a asturias precisamente a mediados de outubro de 1936 para participar nas operacións sobre o Oviedo sitiado.
• Fernández Rodríguez, Emilio. Natural de Ourense. Miliciano 1ª Cía. do batallón Nº 30 CNT Nº 6 Celta. Morto durante os combates habidos en Udala (Gipuzkoa) o 22/04/1937.
• Fernández Sieira, José. Natural de Cabo da Cruz (A Coruña). Miliciano do batallón Nº 30 CNT Nº 6 Celta. Falece o 22/04/1937 en Udala (Gipuzkoa).
• Fernández Sieira, José. Natural de Cabo da Cruz (A Coruña). Miliciano 1ª Cía do batallón Nº 21 CNT Nº 1 Bakunin. Morto no monte Sollube o 12/05/1937.
• Fernández Varela, Manuel. Natural da Galiza. Miliciano 1ª Cía do batallón Nº 21 CNT Nº 1 Bakunin. Falece no Hospital de Limpias (Cantabria ) o 14/07/1937.
• Fervenza Míguez, Faustino. Natural de Redondela (Pontevedra). Miliciano do batallón Nº 11 CNT Nº 3 Isaac Puente. Falece en Asturias combatendo na II Brigada Expedicionaria Vasca o 21/02/1937.
• Franco Fernández, José. Natural de Corrubedo (A Coruña). Miliciano da 2ª Compañía do batallón Nº 36 CNT Nº 2 Malatesta. Falece no cuartel do batallón o 16/04/1937 por mor dun accidente polo cal se lle dispara a arma.
• Galiano Romasanta, José. Natural de Esgos (Ourense). Falece en combate no sector de Amurrio-Orduña(Araba) o 29/04/1937.
• García Grandal, Constantino. Natural de Ferrol (A Coruña). Miliciano do batallón Nº 23 ANV 2 Euzko Indarra. Morto en Asturias o 23/02/1937.
• García Somoza, Gerardo. Natural de A Coruña. Serve no batallón Nº 64 Disciplinario de Euzkadi. Falece o 14/04/1937 porto de montaña de Urkiola (Bizkaia).
• Gómez Fernández, Bernardo.Natural de Redondela (Pontevedra). Capitán. Falecido en acto de guerra no monte Bizkargi (Bizkaia) o 17/05/1937.
• González Grandal, Benito. Natural de Ardán, Marín (Pontevedra). Falecido nos montes de Bilbo durante a Guerra Civil sen precisar lugar e data.
• González Rivas, Ricardo. Natural de A Pobra do Caramiñal (A Coruña). Falecido en Bizkaia durante a Guerra Civil sen precisar lugar e data.
• González Rivas, Severo. Natural de A Pobra do Caramiñal (A Coruña). Falece en acto de guerra no verán do 36 en Gipuzkoa.
• González Souto, Manuel. Natural de Acevedo, Ponte Sampaio (Pontevedra). Miliciano no batallón Nº 9 UXT Nº 1 Fulgencio Mateos. Morto en Elorrio (Bizkaia) con data do 24/04/1937.
• Gregorio Santos, Rudesindo. Natural de Ferrol (A Coruña). Miliciano do batallón Nº 11 CNT Nº 3 Isaac Puente. Morte rexistrada en en Otxandio (Bizkaia) o 02/12/1936.
• Lestón Romero, Ramón. Natural de Porto do Son (A Coruña). Algunha fonte apunta o seu falecemento en Gipuzkoa durante o verán de 1936.
• López Carballo, Generoso. Natural de Pedrafita do Cebreiro (Lugo). Miliciano do batallón Nº 2 Meabe Nº 2 Stalin (XSU). Morte rexistrada en Otxandio (Bizkaia) o 31/03/1937.
• López Espinosa, José. Natural de Lugo. Miliciano no batallón Nº 60 MAOC Nº 2 Gipuzkoa. Falecido en combate en Zeanuri (Bizkaia) o 22/05/1937.
• López López, Manuel. Natural de Lugo. Serve na 3ª Cía. do batallón Nº 28 Martínez Aragón de Esquerda Republicana. Ferido na fronte de Lemoa (Bizkaia) non pode recuperarse e falece no Hospital civil de Bilbo o 04/05/1937.
• Lorenzo Fernández, Felipe. Natural de Moura, Nogueira de Ramuín (Ourense). Falece o 02/04/37 no sector de Otxandio (Bizkaia).
• Losada Seoane, Javier. Natural de Carballo, Quiroga (Lugo). Serve no batallón Nº 27 Castilla (XSU). Falece na fronte de Markina (Bizkaia) o 25/04/1937.
• Mallo Lestón, Manuel. Natural de Muros (A Coruña). Miliciano da 2ª Cía. do batallón Nº 30 CNT Nº 6 Celta. Falece no Udala (Gipuzkoa) o 22/04/1937.
• Mariño Fariña, Juan. Natural de A Pobra do Caramiñal (A Coruña). Miliciano da 2ª Cía. do batallón Nº 30 CNT Nº 6 Celta. Morto o 04/04/37 na fronte de Otxandio (Bizkaia).
• Mariño Pérez, Juan. Natural de Porto do Son (A Coruña). Serve no batallón Nº 22 Meabe Nº 5 Dragones (XSU). Falece na fronte de Aramaio (Araba) o 01/04/1937.
• Martínez García, José. Natural de Corrubedo (A Coruña). Miliciano do batallón Nº 30 CNT Nº 6 Celta. Falecido en Larrabetzu (Bizkaia) o 12/06/1937 nos combates que romperon o Cinturón de Ferro de Bilbo.
• Martínez Pérez, Manuel. Natural de Santa Uxía de Ribeira (A Coruña). Miliciano da 2ª Cía. do batallón Nº 30 CNT Nº 6 Celta. Consta coma falecido na fronte sen máis datos.
• Martínez Romaní, José. Natural de Esteiro, Muros (A Coruña). Batallón Nº 8 Meabe Nº 6 Rusia (XSU). Morte o 21/02/1937 en Oviedo mentres combate na II Brigada Expedicionaria de Euzkadi.
• Martiñán, Inocencio. Natural da Galiza. Falecido en xullo do 36 en Gipuzkoa.
• Martiñán, Serafín. Natural da Galiza. Consta coma falecido sen que dispoñamos de máis datos.
• Martiñán Soto, Manuel. Natural da Galiza. Consta coma falecido sen máis datos.
• Mateo Urquiza, Ángel. Natural de Cangas do Morrazo (Pontevedra). Miliciano do batallón Nº 33 Lenago Il (EMB: Euzko Mendigoizale Batza). Falece no Hospital de Basurto (Bilbo) o 29/05/1937.
• Milleiro Pérez, Juan. Natural de Redondela (Pontevedra). Falece na praia mentras descansa no cuartel Garchegui (Pasaia San Juan) alcanzado pola metralla dunha bomba de aviación. A data varía entre o 9 e o 10 de agosto do 36.
• Mínguez Barros, Manuel. Natural de Forcarei (Pontevedra). Miliciano. Falece na fronte de Markina o 16/10/1936.
• Moaña, Antonio. Natural de O Seixo, Marín (Pontevedra). Miliciano do batallón Nº 30 CNT Nº 6 Celta. Falece o 19/06/1937 na retirada de Bilbo.
• Montero Bustos, Manuel. Natural de Fiolleda (Lugo). Miliciano no batallón Nº 9 UXT Nº 1 Fulgencio Mateos. Finado no monte Akarregi (Bizkaia) o 21/10/1936.
• Neira Corral, Antonio. Natural de Ponteceso, Corme (A Coruña). Tripulante do submarino C-4. Falece en Portugalete (Bizkaia) o 12/05/1937.
• Novelle Rodríguez, Tomás. Natural de Ourense. Miliciano do batallón Nº 5 Meabe Nº 4 UHP (XSU). Ferido na fronte de guerra e ingresado no Hospital de Sangue El Sitio (Bilbo) onde falece o 04/05/1937.
• Novia Martínez, Antonio. Natural de ¿Nondaroña? (A Coruña). Miliciano da 2ª Cía. do batallón Nº 30 CNT Nº 6 Celta. Ferida de metralla en rexión frontal con saída de masa encefálica producida no Kalamua o 26/12/36. Fina no Hospital Civil de Bilbo o 22/01/1937.
• Núñez, Domingo. Natural de Láncara (Lugo). Morte rexistrada en Durango o 19/10/1936.
• Ochoa Barreiro,Valentín. Natural de Redondela (Pontevedra). Morte rexistrada o 24/07/36 en Donostia.
• Olaechea Albamaría, José. Natural de Tanxil, Cea (Ourense). Miliciano no batallón Nº 26 Karl Liebknecht (PC). Falecido no monte Sollube o 7/05/1937.
• Orosa Núñez, José. Natural de Ferrol (A Coruña). Miliciano da 1ª Cía. do batallón Nº 21 CNT Nº 1 Bakunin. Ferido de gravidade na fronte de Amurrio-Orduña (Araba) falece días máis tarde no Hospital Civil de Bilbo o 14/12/1936.
• Orosa Núñez, Manuel. Natural de Ferrol (A Coruña). Miliciano da 1ª Cía. do batallón Nº 21 CNT Nº 1 Bakunin. Segundo algunha fonte corre idéntica sorte que seu irmán e falece na fronte de Amurrio sen que se precise a data.
• Otero Gómez, Celso. Natural de Redondela (Pontevedra). Miliciano do batallón Nº 3 MAOC Nº 1 Larrañaga (PC). Falecido en acción de guerra en Euba (Zornotza, Bizkaia) o 10/05/1937.
• Otero Rodríguez, Ricardo. Natuiral de Vilaxoan, Vilagarcía de Arousa (Pontevedra). Miliciano do batallón Nº 10 Perezagua (PC). Falece o 04/12/1936 no hospital de Amorebieta resultado das feridas sufridas na fronte de Otxandio-Ubidea.
• Pardavila Alonso, Antonio. Natural de A Pobra do Caramiñal (A Coruña). Miliciano do batallón Nº 30 CNT Nº 6 Celta. Morto en combate o 02/04/1937 no sector de Otxandio.
• Pardavila Alonso, Ramón. Natural de A Pobra do Caramiñal (A Coruña). Miliciano da 1ª cía. do batallón Nº 30 CNT Nº 6 Celta. Falece en Krutzeta o 2/04/1937.
• Pérez Hermo, José. Natural de A Pobra do Caramiñal (A Coruña). Miliciano do batallón Nº 30 CNT Nº 6 Celta. Falece no Udala o 22/04/1937.
• Pérez Mariño, Juan. Natural da Galiza. Sarxento 1ª Cía. do batallón Nº 30 CNT Nº 6 Celta. Causa baixa por falecemento o 28/12/1936 como consecuencia dos combates habidos o día 26 no monte Kalamua (Bizkaia).
• Pérez Millán, Andrés. Natural de A Pobra do Caramiñal (A Coruña). Miliciano do batallón Nº 30 CNT Nº 6 Celta. Falece no hospital Civil de Bilbo o 27/12/1937 a consecuencia dos combates do día anterior no monte Kalamua (Bizkaia).
• Pérez Silva, Francisco. Natural de Cabo da Cruz (A Coruña). Falece na fronte de Irún o 15/08/36.
• Prego Pérez. Ramón. Natural de Ribeira (A Coruña). Miliciano do batallón Nº 11 CNT Nº 3 Isaac Puente. Falece na fronte de Otxandio (Bizkaia) o 02/12/36.
• Queipo, Clemente. Natural de Cesuras (A Coruña). Falece nos combates en chan guipuscoano o 22/08/1936.
• Queiruga Maneiro, Benito. Natural de Orellán, Porto do Son (A Coruña). Miliciano do batallón Nº 11 CNT Nº 3 Isaac Puente. Falece en Larrauri (Sollube, Bizkaia) o 14/05/37.
• Raimondez Díaz, Pedro. Natural de Guilfrei, Becerreá (Lugo). Miliciano do batallón Nº 51 CNT Nº 5 Durruti. Morte en acción de guerra en Dima (Bizkaia) o 22/05/1937.
• Rego Mariño, Ventura. Natural de Santiago de Compostela (A Coruña). Miliciano do batallón Nº 2 Meabe Nº 2 Stalin (XSU). Morte rexistrada nos combates polo monte Jata (Maruri, Bizkaia) o 18/05/1937.
• Regueira Regueira, Ramón. Natural de Vilamarín (Ourense). Cabo da 2ª cía do batallón nº 30 CNT Nº 6 Celta. Falecido no Udala o 22/04/1937.
• Roda Poy, José. Natural de Bouzas, Vigo (Pontevedra). Miliciano do batallón Nº 35 UXT Nº 5 Madrid. Falecido na fronte de Mungia (Bizkaia) o 24/05/1937. Soterrado no cemiterio de Vista Alegre en Derio (Bizkaia).
• Rodríguez Fernández, Perfecto. Natural de Larouco (Ourense). Miliciano do batallón Nº 10 Perezagua (PC). Morto en acción de guerra en Ubidea o 02/12/36.
• Rodríguez García, Manuel. Natural da Galiza. Miliciano do batallón Nº 45 Fermín Galán (Unión Republicana). Falecido en Morga (Bizkaia) o 14/06/37.
• Rodríguez Rivas, Justo. Natural de Verín (Ourense). Tenente da Guardia de Asalto. Falecido o 26/07/36 en Donostia.
• Rosales Davila, Emiliano. Natural de Marín (Pontevedra). Capitán da 3ª Cía do batallón Amuategui (XSU). En xuño de 1937 pasa coma capitán ao batallón Nº 28 UXT Nº 9 Martínez Aragón. Perde a videa entre 12 e o 17 de xuño do 37 nalgún punto entre o Cinturón de Ferro e Bilbo.
• Sánchez Yáñez, Clemente. Natural de Xares, A Veiga (Ourense). Falecido o 08/10/1936 no alto de Usartza (Arrate, Gipuzkoa).
• Santiago González, Aureo. Natural de Pontevedra. Miliciano do batallón Nº 12 CNT Nº 4 Sacco e Vanzetti. Morto en combate na fronte alavesa o 06/04/1937.
• Santos Santos, Vicente. Natural de Queiruga (A Coruña). Miliciano do batallón Nº 11 CNT Nº 3 Isaac Puente. Falece na fronte de Oviedo o 26/02/37 candom o seu batallón in tegra a II Brigada Expedicionaria de Euzkadi.
• Sarria Pontensa, Vicente. Natural de Bouzas, Vigo (Pontevedra). Tripulante do bou Goizeko Izarra da Marina Auxiliar de Euzkadi. Falece na abra de Bilbo cando o bou impacta cunha mina o 16/01/37.
• Seoane Amorín, Jaime. Natural de A Fonte, A Peroxa (Ourense). Morte por impacto de metralla en Durango (Bizkaia) o 25/09/36.
• Seoane Isasa, Jaime. Natural de Ourense. Falece en Durango (Bizkaia) o 25/09/36.
• Seoane Macías, Sebastián. Natural de A Pena (Ourense). Miliciano do batallón Nº 46 Meabe Nº 7 Octubre (XSU). Morto en combate en Aramaio (Araba) o 01/04/37.
• Soliño Lemos, Alfonso Camilo. Natural de Cangas do Morrazo (Pontevedra). Miliciano do batallón Nº 2 Meabe Nº 2 Stalin (XSU). Morte rexistrada na fronte de Ubidea (Bizkaia) o 19/12/36.
• Sollero Campos, Arturo. Natural de Santa Cruz de Moeche (A Coruña). Morte rexistrada no monte Saibigain o 14/04/37.
• Suárez Gómez, José. Natural de A Coruña. Miliciano do batallón Nº 25 UXT Nº 3 González Peña. Falece en combate en Baranbio (Amurrio, Araba) o 01/12/36.
• Tejeiro Chans, Agustín. Natural da Galiza. Miliciano da 1ª Cía. do batallón Nº 21 CNT Nº 1 Bakunin. Falece en Dima (Bizkaia) o 13/04/37.
• Troncoso Rodríguez, Aurelio. Natural de Santa María de Sela, Arbo (Pontevedra). Tenente do batallón Nº 29 Leandro Carro (PC).
• Ubeira Mosquera, Serafín. Natural de Pontevedra. Falece en Gipuzkoa en combate o 16/08/36 quizais nos choques nos monte Erlaitz ou no monte Pagogaña.
• Varela García, Manuel. Natural de Corme (A Coruña). Miliciano do batallón Nº 36 CNT Nº 2 Malatesta. Falecido en combate en Asturias en novembro de 1936 cando o seu batallón integra a I Brigada Expedicionaria de Euzkadi.
• Vázquez Lago, Constantino. Natural de Redondela (Pontevedra). Falece na praia preto do cuartel Garchegui (Pasai San Juan) mentres descansa a causa dun bombardeo aéreo o 09 ou 10/08/36.
• Vázquez López, José. Natural de Sarria (Lugo). Miliciano do batallón Nº 10 Perezagua (PC). Falece en Ubidea o 07/12/36.
• Veiga Fernández, José. Natural de Lugo. Miliciano no batallón Nº 1 Meabe Nº1 Largo Caballero. Morte rexistrada en Nafarrate (Legutio, Araba) o 06/12/36.
• Velón Pombo, Bautista. Natural de Lugo. do batallón Nº 45 Fermín Galán (Unión Republicana). Falecido en acción de guerra en Otxandio (Bizkaia) o 04/04/37.
• Vergara Celeiro, Ramón. Natural de Santalla de Rei, Pobra do Brollón (Lugo). Miliciano do batallón Nº 43 Cultura y Deporte (XSU). Morte rexistrada no monte Bizkargi (Bizkaia) o 15/05/37.
• Vidal Cousillas, Andrés. Natural de Corme (A Coruña). Consta como falecido sen máis datos.
• Villamil Rodríguez, José. Natural de Lugo. Miliciano no batallón Nº 60 MAOC Nº 2 Gipuzkoa (PC). Morte rexistrada no monte Gorbea (Araba) o 19/05/37.
• Villasonal Castiñeiras, Manuel. Natural de Santiago de Compostela (A Coruña). Falecido en Kanpazar o 25/04/37.
• Villasua, José. Natural de A Coruña. Falecido en Elgoibar (Gipuzkoa) o 19/04/37.
• Villaverde Amigo, Nicolás. Natural de Corme (A Coruña). Consta como falecido sen precisar máis datos.

FONTES E BIBLIOGRAFÍA.

• Archivo Histórico de Euskadi/ Euskadiko Artxibo Historikoa.
• Archivo Histórico Provincial de Vizcaya/Bizkaiako Artxibo Historiko Probintziala.
• Egaña, Iñaki (Dir.). La Guerra Civil en Euskal Herria. 1936. T. VIII “Los Protagonistas de la Guerra”. Andoain, 2000.
• Pardo San Gil, Juan. La Marina de Guerra Auxiliar de Euzkadi (1936-39). Donostia, 2008.
• Pereira, Dionisio; Fernández, Eliseo. O Movemento Libertario en Galiza. (1936-1976). Vigo, 2006.
• Vargas Alonso, F. Manuel. Bermeo y La Guerra Civil. La Batalla de Sollube. Colección Lankidetzan Bilduma, nº 43, 2007.

Sergio Balchada Outeiral